உச்சஸ்தாயி

இன்றைக்கு அலுவலக உயர்திரு அழைத்தார்.

அவரிடம் தாள்களை நீட்டினேன்.தினமும் கொட்டப்படும் குப்பை பற்றிய தரவுகள்.

 எட்டு, ஒன்பது தேதிகளின் தாள்களை பார்த்துக்கொண்டே வந்தவர்- அடுத்து ஒன்றும் இல்லாமல் அதிர்ந்து போனார். என்னைப்பார்த்து

' பத்து எங்க..அஅஅஅஅ'.. என்றார் .

மௌனம்

 'பத்தாந்தேதி பேப்பர் எங்கப்பா...'

கனத்த   மௌனம்

' உன்னத்தான் கேக்குறேன் மரம் மாதிரி நிக்குறியே  எங்க...  '

உச்சஸ்தாயி....கண்ணாடி  சாளரம்  அதிர்கிறது..

என்ன செய்வது.. அன்றைக்கு தேதி ஒன்பதுதான் ஆகியிருந்தது!.