சிறுபாணன் செலவு

நாஞ்சில் நாடனின் பேசுகையில் சிறுபாணாற்றுப்படை பற்றி சொல்லிக்கொண்டே இருந்தார். ஓங்கு நிலை ஒட்டகம் பற்றியும் பீமனது சமையல் நூல் பற்றிய குறிப்பையும் சொன்னார். அவர் சொல்லச்சொல்ல  அப்படி என்னதான் உள்ளது என்று உட்சென்று பார்த்தேன்.

தமிழ் மெய்நிகர் பல்கலைக்கழகத்தில் பட்டப்படிப்பிற்கான ஒரு பாடமாக சிறுபாணாற்றுப்படை இருந்தது. எளிய துவக்கத்திற்கு அது உதவியது. பின்னர் ஆழ்ந்து படிக்கையில் தமிழ்ச்சுரங்கம் தளத்தில் நல்ல உரையுடன் படிக்கக்கிடைத்தது.  இறுதியாக கண்டடைந்த தமிழ்த்துளி தளத்தில் செங்கை பொதுவன் என்ற அறிஞர் கொடுத்துள்ள விளக்கம் மிகச்சிறப்பாகவும் பொருத்தமாகவும் உள்ளது.

ஆற்றுப்படுத்தும் பாணன் துவக்கத்தில் மூவேந்தர்களை விட ஏழு வள்ளல்களை விட சிறந்த வள்ளலான நல்லியக்கோடனை புகழ்கிறான். அவனை சந்திக்கும்முன் தன் நிலையை, சந்தித்தபின் தனது மாற்றத்தை சொல்கிறான்.  அவனது ஊரான தென்மாவிலங்கை செல்லும் வழியான எயிற்பட்டினம், வேலூர், ஆமூர் ஆகிய

ஊர்களின் கண் செல்கையில் நிலவளம் எப்படி இருக்கும் எனவும் அவ்வூர் மக்கள் எப்படி உபசரிப்பர் எனவும் கூறி ஆற்றுப்படுத்துகிறார்.

எயிற்பட்டினம் இன்றைய மரக்காணமாக இருக்கலாம். நீர்வளமிக்க ஆமூர் பற்றி தெரியவில்லை ஆனால் சமணத்தலமான மேல் சித்தாமூர் பற்றி அறிகிறோம். ஓய்மா நாடு இன்றைய திண்டிவனத்திலுள்ள கிடங்கில் என கருதப்படுகிறது கிடங்கிற்கோமான் நல்லியன். மாவிலங்கை, மேல்மாவிலங்கை, கீழ்மாவிலங்கை எனும் ஊர்கள் உள. கீழ்மாவிலங்கையில் பல்லவர் கால பாறையில் குடைந்து பொளியப்பட்டவிஷ்ணு சிலை ஒன்றும் உள்ளது. வறண்ட பாலை போலாகிய, தன் கை வேலால் நல்லியக்கோடன் கைக்கொண்ட, கிணறு வெட்டித்தந்த வேலூர் பற்றி அறிகிலோம்.

http://www.tamilsurangam.in/literatures/patthu_paddu/sirupanatrupadai_8.html#.W0CSKTnhW1s

http://www.tamilvu.org/ta/courses-degree-d011-d0113-html-d0113113-18830

https://learnsangamtamil.com/sirupaanatrupadai/

http://sangamtamizh.blogspot.com/2012/11/blog-post_5289.html 

http://vaiyan.blogspot.com/2015/04/19.html