Skip to main content

வாசிப்பு மாரத்தான்

காவிரிக்கரைக்காரர்களுக்கு குரல்வளம் சற்று மிகுதி, எட்டுக்கட்டையிலும் பிசிறடிக்காது. "ஏற்கனவே வாங்கியதெல்லாம் படிச்சாச்சு இப்போ புதுசா வேற வாங்கணுமாக்கும், ரெண்டு வருஷத்துக்கு மின்ன வாங்கியதெல்லாம் இன்னும் கவர் பிரிக்காம இருக்கு". இது பொதுவாக கணவர்கள் 'புத்தகக்கண்காட்சிக்குப் போறேம்மா' எனக்குரல் கொடுக்கையில் கிட்டும் எதிரொலி. நான் விதிவிலக்கல்ல. 





சக வாசிப்பு தோஷமுள்ள அண்ணன்கள், வாசிப்பு மாரத்தான் என்னும் தொடர் வாசிப்பு முயற்சியை முன்னெடுத்திருக்கிறார்கள். 48 நாட்களில் நூறு மணிநேர வாசிப்பு என்பது சவால்.  அனுதினம் குறைந்தபட்சம் ஒருமணிநேரமாவது வாசிக்கவேண்டும், இச்சங்கிலி அறுபடலாகாது. இற்றைக்கு பதினைந்து நண்பர்கள் இதில் இணைகிறார்கள். நீண்டநாள் கழித்து, அணித்தேர்வுக்கு அழைக்கப்பட்ட விளையாட்டு வீரருக்கான பதற்றத்தில் அனைவரும் புத்தகங்களை தேர்ந்துகொண்டுள்ளனர். படிப்பு மேசையின் விளக்குகள் பழுதுபார்க்கப்படுகின்றன, நண்பர்களின் புத்தக சேமிப்புகள் உளவு பார்க்கப்படுகின்றன. நான் ஒரு தற்காப்பு முயற்சியாக என் மனைவிக்கும் இதை பரிந்துரைத்திருக்கிறேன். ரொம்ம்ம்பக்கஷ்டமானது என்று உதடு பிதுக்கி சொல்லியிருக்கிறேன், ஆகவே அம்மணி பொறியில் விழ வாய்ப்புள்ளது.

நீண்டநாள் கழித்து உற்சாகமான உரையாடல்கள், போட்டி மனப்பான்மை என்பது உண்மையிலேயே ஆரோக்கியமான சொல்தான் போல. அலமாரியிலுள்ள புத்தகங்களை எல்லாம் வாசித்து முடித்து, ஜனவரி புத்தகக்கண்காட்சியில் வாங்க வேண்டிய புத்தகங்களின் பட்டியலை மனைவியிடம் நீட்டுவதுபோல கனாக்காண்கிறேன். பேராசை.  

Comments

Post a Comment

Popular posts from this blog

மரபுப் பயணம்

புதுவையின் நுழைவாயிலான மதகடிப்பட்டு கடந்த ஞாயிறு (1.4.18) அன்று தமிழகத்தின் வெவ்வேறு பகுதியிலிருந்து வந்திருந்த சரித்திர ஆர்வலர்களை வரவேற்கும் இடமாக ஆகியிருந்தது. சோழர் வரலாற்று ஆய்வு சங்கம் ஒருங்கிணைத்திருந்த மரபுநடை அங்கிருந்துதான் துவங்கியது. புதுவை கடலூர் விழுப்புரம் அன்பர்கள் அன்றியும் சேலம் பெரம்பலூர் வேலூர் நண்பர்களும் சென்னைவாசிகளாக மாறிவிட்ட பல்லூர்க்காரர்களும் குழுமியிருந்தனர்.  ஜெயங்கொண்ட சோழமண்டலம், திரிபுவனமாதேவி சதுர்வேதிமங்கலத்தின் ஒருபகுதியான குந்தாங்குழி மகாதேவர் கோவிலில் இருந்து துவங்கினோம். பூவுதிரும் அசோக மரத்தடியில் இருந்து எழுபதே வயதேயான பேரிளைஞரான திரு வீரராகவன் எங்கள் கைபற்றி சோழர் காலத்துக்குள் கூட்டிச்சென்றார். சோழர்கால கோவில்கள், கல்வெட்டுகளில் குறிக்கப்பட்ட நிவந்தங்கள், நிவந்தங்களின் வகைகள், சோழர் கல்வெட்டுக்கும், பல்லவர் கல்வெட்டுக்குமான துவக்க வரிகள் என கடைசியிருக்கை எம்மனோர்க்கு எளிதில் விளங்காதவற்றை எளிமையாக விளக்கி  சொன்னார். அவரது பேச்சு கொண்டுசெல்லும் வழியெங்கும் நிரம்பி உதிரும் பூக்கூடை போல இருந்தது, அவரிடமிருந்து வரலாற்றுத்தகவல்கள் வந்து விழுந்து
Post a Comment
Read more

மீண்டும் சிறுபாணன்

 சிறுபாணாற்றுப்படை   குறித்த சிறுபதிவு ஒன்றை இட்டிருந்தேன். https://thamilpanan.blogspot.com/2019/06/blog-post_13.html  சில மாதங்கள் கழித்து எழுத்தாளர் விழுப்புரம் கோ.செங்குட்டுவன்  விரிவான பதிவு ஒன்றை முகநூலில் இட்டிருந்தார். அதை எனது கட்டுரையின் தேடல்களை எல்லாம் ஆற்றுப்படுத்துவதாகக் கண்டதால் இங்கு பதிவிடுகிறேன். தாமரைக்கண்ணன், புதுச்சேரி. 31.07.2019  ======================= எயிற்பட்டினம் என்னும் மரக்காணம்: ஆழ்கடலில் மூழ்கிய சங்ககாலத் துறைமுகத்தில் கடல்சார் ஆய்வுகள் - முத்துசாமி இரா.  மரக்காணம் (English: Marakkanam), விழுப்புரம் மாவட்டம், திண்டிவனம் வட்டம், மரக்காணம் பேரூராட்சியில் அமைந்திருந்த துறைமுகமும் நகர்ப்புற மையமுமாகும் (Seaport and Urban Center) (பின்கோடு 604303).  இந்நகரம் பண்டைக் காலத்திலிருந்து எயிற்பட்டினம் (Eyirpattinam), சோபட்டினம் (Sopattinam), சோபட்மா (Sopatma), மனக்கானம் (Manakkanam), போன்ற பல்வேறு பெயர்களால் அழைக்கப்பட்டுள்ளது. “மதிலொடு பெயரியப் பட்டினம்” என்று சிறுபாணாற்றுப்படை சுட்டும் இந்தச் சங்ககாலத் துறைமுகப் பட்டணம் பாலாறு
Post a Comment
Read more

சிறுபாணன் செலவு

நாஞ்சில் நாடனின் பேசுகையில் சிறுபாணாற்றுப்படை பற்றி சொல்லிக்கொண்டே இருந்தார் . ஓங்கு நிலை ஒட்டகம் பற்றியும் பீமனது சமையல் நூல் பற்றிய குறிப்பையும் சொன்னார் . அவர் சொல்லச்சொல்ல   அப்படி என்னதான் உள்ளது என்று உட்சென்று பார்த்தேன் . தமிழ் மெய்நிகர் பல்கலைக்கழகத்தில் பட்டப்படிப்பிற்கான ஒரு பாடமாக சிறுபாணாற்றுப்படை இருந்தது . எளிய துவக்கத்திற்கு அது உதவியது . பின்னர் ஆழ்ந்து படிக்கையில் தமிழ்ச்சுரங்கம் தளத்தில் நல்ல உரையுடன் படிக்கக்கிடைத்தது .  இறுதியாக கண்டடைந்த தமிழ்த்துளி தளத்தில் செங்கை பொதுவன் என்ற அறிஞர் கொடுத்துள்ள விளக்கம் மிகச்சிறப்பாகவும் பொருத்தமாகவும் உள்ளது. ஆற்றுப்படுத்தும் பாணன் துவக்கத்தில் மூவேந்தர்களை விட ஏழு வள்ளல்களை விட சிறந்த வள்ளலான நல்லியக்கோடனை புகழ்கிறான் . அவனை சந்திக்கும்முன் தன் நிலையை, சந்தித்தபின் தனது மாற்றத்தை சொல்கிறான் .   அவனது ஊரான தென்மாவிலங்கை செல்லும் வழி யான எயிற்பட்டினம் , வேலூர் , ஆமூர் ஆகிய ஊ ர்களின் கண் செல்கையில் நிலவளம் எப்படி இரு
Post a Comment
Read more